අපේ කතාව

ලොවට හොරා දුටු සිහිනයේ

ඇවිද ගියා අපි වෙරළ දිගේ

බොඳව ගියත් පා සටහන් වැලිතලයේ

පවසන්නම් මුළු ලොවට ඇසෙන්නට

වෙන්කළ දෙහදක කතන්දරේ

ක්ෂිතිජ ඉම තෙක් සාගරේ
ඉගිල ගියා අපි හිතුමතේ
සිඳ දමුවත් ඒ සොඳුරු පියාපත්
පවසන්නම් මුළු ලොවට ඇසෙන්නට
වෙන්කළ දෙහදක කතන්දරේ

අතරමංවී සිහිනයේ
සැරිසැරුවා මම ජීවිතයේ
තනිවුණු හදවත ගැහෙන තුරාවට
පවසන්නම් මුළු ලොවට ඇසෙන්නට
වෙන්කළ දෙහදක කතන්දරේ



ඡායරූපය: පණ්ඩුල බස්නායක