අහිමි සිහිනය..

හමාගිය මාරුතේ

නැත සිඳ දමා

සිනිඳු මල් පෙති කිසිමදා.....

සිපගන්න මල් පෙති

අවසරයි මට  

අහිමි සිහිනයක් නිසා

අහිමි සිහිනයේ නුඹ,

අහිමිවූ දා

කඳුළු කුමටද

අහිමි,

සිහිනය නිසා...

අවසරයි සිපගන්න

එක්වරක්..

ඒ අහිමි සිහිනය...

අහිමි,

සිහිනය නිසා

ජීවිතය, වත්පොත හා පිට කොන්ද

මතකයි හොඳට මට
නුඹ දුටුව මුල්ම දින
තවත් එක් මුහුනක්
ජීවිතේ හමුවෙන

ඉඳ හිටක හමුවෙලා
කතා කෙරුවත් 
දැනුනේ නෑ මට
නුඹේ රඟපෑම් ගැන

වත්පොතේ චැට් එකක
මට ආදරය ලියූ විට 
හිතුවේ නෑ මම
එය පෙර පුහුණුවක් බව

වත්පොතේ තව දිනක
දුටුව විට නුඹ ඈ සමඟ
සතුටුයි දැනගත් එක
නුඹට "කොන්දක්" ඇතිබව

නුඹෙන් ඇසු පැනයකට
ඇගෙන් පිළිතුරු ලදතැන
හිනා යනවා මටම 
මගේ මෝඩකම් ගැන

අතීත ප්‍රේමය

නෙලා ගනු රිසි
 ලියතඹර
ගව් ගණන් දුර ඇවිද
ගිම් නිවන ඇසිල්ලෙක...

පෙරදිනෙක නෙත ගැටුණු
   ලිලී මල
දකිනු සිත්වී නැවත
සොයා වෙහෙසෙනු කුමට

 හිතවත,
පරවගොස් එය
කොතෙක් කල්වෙද...

තටු ලැබුණෙ ඉගිලෙන්න...

තහනමක් නැත නුඹට
නිල් ගුවන සරන්නට
නේක හැඩතල අඳින
වලාකුළු සිඹින්නට

කැමතියි ඉන්නවානම් නුඹ

නොයා මගෙ නෙත් ඉමෙන් පිට

සිතෙනමුත් කියන්නට

පියාඹා නොයන ලෙස
 කමක් නෑ ඒවුණත්

 තටු ලැබුණෙ ඉගිලෙන්න...

හීන......

වෛර කරන්නේ කොහොමද
හීන හොරකම් කෙරුවට
රැගෙන ගිය හීනයට
උරුමයක් නැති විටක.....
 උරුමකම් කියන්නට
හැකි සිහිනයක් ලබුණම
රැඳෙන්නම් ඒ තුළම
දිවි තිබෙන තුරාවට....