වයම්දෝ කෙලෙස මම .....

වයම්දෝ කෙලෙස මම
තත් සිඳුණු ගිටාරය
මෙන් වරම් නොලදීමි
සිඳූ තත් වෙණ 

වැයු ඇදුරු ගුත්තිල
දුරස් වී සත්සර
සිතුවම් කරම්දෝ කොයි ලෙස
ඉගිලෙන්න වෙරදරන
පියාපත් සමනල...

නුබ ගත් කඳුළ

                                                                     හඬන නුබ
                                                                        දුකින් ඉකිබිඳ
                                                                   වැටෙන පිණිබිඳු
                                                                     එකින් එක
                                                                     දැනේවිද නුඹට....
                                                                        හඬන්නට වරම්
                                                                        අහිමි දෙනෙතක
                                                                     කඳුළු බව.......

යුධ ප්‍රකාශය

ඉගෙන ගන්න ආසයි නම්

කියවන්නට ඔය තරමට
මෙන්න ගනින් මගෙ පොත් පත්
කීතු කීතු වලට ඉරලා

රස බලපන් ඇතිවෙනකම්

පාට පාට ඇඳුම් ඇඳන් 

හැඩ වෙන්නට ආසයි නම්
මෙන්න ගනින් මගේ ඇඳුම්
කෑලි කෑලි වලට කපලා

 හදාගනින් ඇති තරමට

ඒත්, උඹට මං එකක් කියන්නම්
දත තැබුවොත් උඹ
 මගේ පියානෝවට
සමාවක් නෑ කිසිම
සත්තයි, උඹට එරෙහිව
පටන් ගන්නවා මං
ඊළඟ ලෝක යුද්ධය

!!!!!!!!!!!!!!!!!!!!!

මගෙ නොවන සිතුවමක්.....

අතින් ගෙන පින්සලක්
අඳිමි මම සිතුවමක්
නොයෙක් හැඩතල මවා
අඳිමි මම සිතුවමක්

නැවතිලා මගේ සිත
දැන් බොහෝ කාලයක්
ඇඳේ සිතුවම තවම
නොනැවතී ඒ නමුත්

හිත නොඇඳි පැහැයකින්
අඳිමි මම සිතුවමක්
ඇඳෙන්නේ මගේ අතින්
මගෙ නොවන සිතුවමක්
එකක් නොව දෙදෙනෙක්
මාත්, මගෙ සිතුවමත්!!!