අවසරයි සමුගන්න

                        හමුවුණා මතකයිද
                        අප නොසිතු මොහොතක
                        ඇවිද්දා මතකයිද
                        අප එකම මාවතක
                        මගහැරුණා මතකයිද
                        එක දිනෙක අප දෙදෙන
                        

                                                          ඉඩ දෙන්න කාලයට
                                                          ගෙන යන්න ඒ මතක
                                                          අවසරයි සමුගන්න
                                                          මගේ සිහින ලෝකයෙන්....

Untitled

 ආදරේ නාමයෙන්
පිපුණු මල් 

ගිලිහෙද්දි
කාලයක් පුරාවට ගැයූ ගී
වියැකෙද්දි
හද පුරා ඇඳි සිතුම්
එකින් එක බොඳවෙද්දි
ආදරේ ඉපදේවි  

පෙම්වතුන් 

මියැදෙද්දි.........

වයම්දෝ කෙලෙස මම .....

වයම්දෝ කෙලෙස මම
තත් සිඳුණු ගිටාරය
මෙන් වරම් නොලදීමි
සිඳූ තත් වෙණ 

වැයු ඇදුරු ගුත්තිල
දුරස් වී සත්සර
සිතුවම් කරම්දෝ කොයි ලෙස
ඉගිලෙන්න වෙරදරන
පියාපත් සමනල...

නුබ ගත් කඳුළ

                                                                     හඬන නුබ
                                                                        දුකින් ඉකිබිඳ
                                                                   වැටෙන පිණිබිඳු
                                                                     එකින් එක
                                                                     දැනේවිද නුඹට....
                                                                        හඬන්නට වරම්
                                                                        අහිමි දෙනෙතක
                                                                     කඳුළු බව.......